Davudoğlunun “Can Azərbaycan…” tviti – Foto
04.12.2015 - 15:32
Türkiyənin baş naziri Əhməd Davudoğlu Bakıya iki günlük səfər edib. Musavat.com-un məlumatına görə, Ə. Davudoğlunu hava limanında baş nazirin müavini Əli Əhmədov qarşılayıb. Daha sonra Azərbaycan prezidenti İlham Əliyev Türkiyə baş nazirini qəbul edib. Əvvəlcə İlham Əliyevlə Əhməd Davudoğlu arasında təkbətək görüş keçirilib. Görüş daha sonra nümayəndə heyətlərinin iştirakı ilə geniş tərkibdə davam etdirilib.
Ə.Davudoğlu “Twitter” hesabından paylaşdığı son mesajda Azərbaycan prezidentinə minnətdarlığını bildirib. Baş nazir prezident İlham Əliyevin”Twitter” hesabını işarələyərək, səfəri zamanı birlikdə çəkilən fotoları da mesajına əlavə edib.
Baş nazir qeyd edib: “Can Azərbaycanda bizi qonaq edən prezident və qardaşlarımıza təşəkkür edirik. Biz bir millət iki dövlətik”.
Short URL: http://www.cumhuriyyet.net/?p=43030
