Ərdoğanın Xocalı Qətliamı ilə bağlı AÇIQLAMASI

Türkiyə prezidenti Ərdoğan Xocalı Soyqırımının 24-cü ildönümü ilə bağlı açıqlama yayıb

Ölkə.az xəbər verir ki, pezident Ərdoğan yaydığı açıqlamada, Ermənistan qoşunlarının 24 il əvvəl 26 fevralın 1992-ci ildə Dağlıq Qarabağ bölgəsindəki Xocalıya təşkil etdikləri hücumda 613 Azərbaycanlını uşaq, qadın, yaşlı demədən amansızcasına qətlə yetirildiyini qeyd edib:

“Türkiyə olaraq, Xocalıdakı bu qeyri-insani soyqırımın acısını hər zaman ürəyimizdə hiss edir, Azərbaycanlı qardaşlarımızın ağrılarını paylaşırıq. Xocalı qətliamı, bütün bəşəriyyətin ibrət alması, baş verən faciəyə dair bir vicdan hesabı etməsi lazım olan əhəmiyyətli bir hadisədir. Vicdanımızda ən ağır cəzaya məhkum etdiyimiz bu qətliama beynəlxalq cəmiyyətin də lazım olan həssaslığı göstərməsini gözləyirik. Azərbaycan torpaqlarının 20%-i hələ də Ermənistanın işğalı altındadır. Bir milyondan çox Azərbaycanlı qardaşımız öz yurdundan didərgin edilmiş vəziyyətdədir. Ermənistanın 25 ilə yaxın bir müddətdir işğal etdiyi Azərbaycan torpaqlarından bir an əvvəl çıxması istiqamətindəki çağırışımızı bu vəsilə ilə bir daha təkrar edirik. Hər zaman olduğu kimi bu haqq işdə Azərbaycanlı qardaşlarımızın yanında olmağa davam edəcəyik. Xocalı qətliamında həyatını itirən Azərbaycanlı qardaşlarımıza Allahdan rəhmət diləyir, kədərli ailələrinə və bütün Azərbaycan xalqına dərin hüznlə başsağlığı veririk”

Short URL: http://www.cumhuriyyet.net/?p=55757