ABŞ generalı Azərbaycanın aviabazasında – FOTOLAR

18.03.2016 - 13:11

hopper-smitABŞ-ın Oklahoma ştatının Milli Qvardiyasının Quru Qoşunları komandanı, briqada generalı Hopper Smitin rəhbərlik etdiyi nümayəndə heyəti Azərbaycana işgüzar səfərə gəlib.

Cümhuriyyət.az Müdafiə Nazirliyinin saytına istinadən bildirir ki, keçirilən görüşlərdə Azərbaycan ilə ABŞ arasında hərbi əlaqələrin genişləndirilməsi, regional təhlükəsizlik sahəsində əməkdaşlığın daha da gücləndirilməsi, eləcə də ABŞ və NATO ilə qarşılıqlı uyarlılıq səviyyəsinin inkişaf etdirilməsi və digər istiqamətlərdə ikitərəfli təcrübə mübadiləsi perspektivləri barədə fikir mübadiləsi aparılıb.

ABŞ-ın nümayəndə heyəti səfər çərçivəsində müdafiə nazirinin müavini – Hərbi Hava Qüvvələrinin komandanı general-leytenant Ramiz Tahirovun müşayiəti ilə aviasiya bazasında olub. Onlara bazanın yaranma tarixi, xüsusiyyətləri, məqsədi və tapşırıqları barədə ətraflı brifinq təqdim edilib.

Qərargah və döyüş növbətçiliyinin aparılması, start-komanda məntəqəsi, silahlanmada olan döyüş aviasiya vasitələri ilə yaxından tanış olan qonaqlar şəxsi heyətin sosial-məişət şəraiti ilə də maraqlanıblar.

Uçuş və texniki heyətlə görüşən nümayəndə heyətinin üzvləri MiQ-29 döyüş təyyarələrinin təlim uçuşlarını izləyərək aviabazada döyüş xidməti üçün yaradılan şəraitdən məmnun qaldıqlarını ifadə ediblər.

Elə həmin gün qonaqlar Silahlı Qüvvələrin Baş Klinik Hospitalında da olublar. Hərbi tibb müəssisəsinin rəhbərliyi və tibb heyəti ilə görüşən ABŞ-ın nümayəndə heyətinə hospitalın yaranma tarixi, fəaliyyəti barədə brifinq təqdim olunub.

Sonra müalicə korpuslarındakı şöbə və bölmələrə baş çəkən qonaqlar beynəlxalq standartlara cavab verən avadanlıq və cihazlarla təchiz olunmuş palatalar və əməliyyat bloklarında yaradılmış şəraitlə də tanış olublar. Eyni zamanda ABŞ-ın nümayəndə heyəti mədəni proqrama uyğun olaraq Azərbaycan Hərb Tarixi Muzeyini də ziyarət edib.

Short URL: http://www.cumhuriyyet.net/?p=58198

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Mart 2025
BE ÇA Ç CA C Ş B
 12
3456789
10111213141516
17181920212223
24252627282930
31