“Qarabağı müharibə alovu bürüyür” – “Beynəlxalq təhlükə – 2016” hesabatı
Rusiyalı ekspertlərin hazırladığı “Beynəlxalq təhlükə – 2016” hesabatında Dağlıq Qarabağda münaqişənin alovlana biləcəyi ehtimalı irəli sürülür.
Publika.az xəbər verir ki, müxtəlif regionlarda təhlükəli münaqişə ocaqlarının yer aldığı hesabatda Türkiyə-Rusiya münasibətlərinin pisləşməsinin Qarabağda müharibəyə səbəb ola biləcəyi qeyd olunur.
“Ankara və Moskvanın qarşıdurmasından sonra Bakı və İrəvanın müharibə edəcəyinə dair gözləntilər artıb. Belə vəziyyət faktiki olaraq Qarabağda gərginliyin artmasına icazə verir”, – deyə hesabatda qeyd olunur.
Hesabatı şərh edən rusiyalı politoloq Andrey Suşensov da hesab edir ki, 2016-cı ildə Qarabağda partlayış təhlükəsi real görünür.
Onun sözlərinə görə, Suriya və Ukraynadakı böhranlar səbəbindən Qarabağ məsələsi ikinci plana keçdi: “Amma müharibənin hər zaman alovlana biləcəyi ehtimalı azalmadı. Son zamanlar orada atışmalar intensivləşib, artilleriya və iriçaplı silahlardan istifadə olunur”.
Short URL: http://www.cumhuriyyet.net/?p=59150
