İsrailli eskpert Azərbaycanın hərbi gücü haqda – “O BUNU 2016-CI İLDƏ GÖSTƏRDİ”

23.12.2016 - 14:40

Başa çatmaqda olan 2016-cı il çoxvektorlu diplomatiya siyasətini davam etdirən Azərbaycanın xarici siyasəti üçün uğurlu olub.

 

Bunu Trend-ə Bakı Beynəlxalq Multikulturalizm Mərkəzinin İsraildəki nümayəndəliyinin rəhbəri, beynəlxalq münasibətlər sahəsində ekspert Arye Qut deyib.

Ekspert qeyd edib ki, rəsmi Bakı ölkənin milli maraqlarına əsaslanan kifayət qədər praqmatik xarici siyasət yürüdür.

A.Qut deyib: “Azərbaycan region dövlətləri ilə – Rusiya, Türkiyə və İranla yaxşı münasibətlər qura bilib”.

Onun sözlərinə görə, bu il İsrailin baş naziri Benyamin Netanyahunun Azərbaycana tarixi səfəri baş tutdu. Bu, bir daha İsrail və Azərbaycan arasında əməkdaşlığın vacibliyini təsdiq edir.

Ekspert bildirib: “İran prezidenti Həsən Ruhaninin Ermənistana səfər etməsinə baxmayaraq, Azərbaycan İranla sabit münasibətləri saxlaya bilir. Azərbaycan dostunun və düşməninin harada olduğunu yaxşı bilir”.

Qutun sözlərinə görə, bu il Dağlıq Qarabağ münaqişəsi nöqteyi-nəzərindən də uğurlu il olub.

Ekspert deyib: “Bu ilin aprelində erməni və Azərbaycan qoşunları arasında ciddi toqquşma baş verdi. Azərbaycan ordusu yeni İsrail texnologiyalarından da istifadə etməklə sərt reaksiya göstərdi. Aprel toqquşmaları onu göstərdi ki, Azərbaycan ötən əsrin 90-cı illərində olan ölkə deyil. Bu gün Azərbaycan işğal olunmuş ərazilərini azad etməyə hazırdır. Rəsmi Bakı heç vaxt status-kvoya razı olmayacaq və Cənubi Qafqazda ikinci erməni dövlətinin qurulmasına imkan verməyəcək”.

O əlavə edib ki, Dağlıq Qarabağ münaqişəsinin “açarı” Yerevanda yox, Moskvadadır:

“Bu ilin aprel ayındakı hadisələr göstərdi ki, Rusiya kiminlə iş görməli olduğunu gözəl başa düşür. Azərbaycan Rusiya üçün çox vacib iqtisadi və sənaye tərəfdaşıdır. Ermənistana isə Rusiya yalnız maliyyə yatırır və əvəzində heç nə əldə etmir”.

Short URL: http://www.cumhuriyyet.net/?p=85129

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728