Türkiyədən “erməni soyqırımı”nı tanıyan Hollandiyaya sərt etiraz
23.02.2018 - 10:03
Rəsmi Ankara 1915-ci il hadisələrini “soyqırım” kimi tanıyan Hollandiyaya etirazını bildirib.
Türkiyənin Xarici İşlər Nazirliyi Hollandiya parlamentinin qondarma “erməni soyqırımı” ilə bağlı qərarını şiddətlə qınayıb.
XİN-in yaydığı məlumatda bildirilib ki, Hollandiya parlamentinin qərarı hüquqazidd və qəbulolunmazdır: “Bu, əsassız qərardır, rəsmi əhəmiyyəti yoxdur”
Qeyd edək ki, bu gün Hollandiya parlamentində 1915-ci il hadisələrini “soyqırım” kimi tanıyan qanun layihəsi səsverməyə çıxarılıb. Səsvermə nəticəsində qanun layihəsi qəbul olunub. Bununla Hollandiya parlamenti uydurma “erməni soyqırımı”nı rəsmən tanıyıb.(Azvision)
Short URL: http://www.cumhuriyyet.net/?p=113731
