Bakı Tehrandan izahat tələb edəcək – Qusman

01.02.2023 - 23:59

Tehranda Azərbaycan səfirliyində baş verən cinayəti nə izah etmək, nə də əsaslandırmaq mümkündür. Kimsə bunun təkcə bir terrorçunun cinayəti olduğunu desə də, mənə elə gəlir ki, bu, diqqətlə araşdırılmalıdır.

Cumhuriyyet.az xəbər verrir ki, bunu “TASS” İnformasiya Agentliyinin baş direktorunun birinci müavini Mixail Qusman Azərtac-a müsahibəsində Azərbaycanın İrandakı səfirliyində törədilmiş terror aktını şərh edib.

Jurnalist İran rəsmiləri tərəfindən “bu cinayətlə bağlı ciddi araşdırma” aparmasının vacibliyini xüsusilə vurğulayaraq deyib: “Bu cinayətə səbəb nə olub? Cinayəti törədən şəxsin arxasında kimsə dayanıbmı? O, kiminləsə əlbir olubmu? Onu silahlandıran kimdir? “Kalaşnikov” avtomatının Tehranda mağazalarda satıldığını düşünmürəm. Bütün bunlar böyük suallar doğurur. İran mətbuatında uzun müddətdir ki, anti-Azərbaycan döyüşkən isteriya davam edir və bütün bunlar təbii ki, çox kədərlidir”.

M. Qusman qeyd edib ki, terrorizmin milliyyəti yoxdur, o, sərt cavab və cəza tələb edir. “Azərbaycan Prezidenti İlham Əliyevin haqlı olaraq dediyi kimi, müasir dünyada terrorizmə yer yoxdur. Bu halda Azərbaycan vəziyyəti düzgün qiymətləndirir və düşünürəm ki, İrandan müvafiq izahat və qərarlar tələb edəcək. Əlavə etmək istəyirəm ki, bu cinayət nəticəsində əsl qəhrəman – səfirliyin mühafizə xidmətinin rəisi Orxan Əsgərov həlak olub, o, həyatı bahasına daha böyük bəlaların qarşısını alıb. Terrorçunun daha çox can almaq istədiyi aydın idi. Təhlükəsizlik xidmətinin digər əməkdaşları cinayətkarın cinayətini davam etdirməsinə mane olmasaydılar, daha da pis ola bilərdi. Orxan Əsgərovun ailəsinə başsağlığı verirəm. Bir daha Azərbaycan Prezidentinin ardınca təkrar etmək istəyirəm: dünyada terrorizmə yer yoxdur, onu bağışlamaq, ona bəraət qazandırmaq olmaz”, – deyə o əlavə edib.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=187364

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Mart 2024
BE ÇA Ç CA C Ş B
 123
45678910
11121314151617
18192021222324
25262728293031