Arif Yunus da Baş Prokurorluğa getdi

Virtualaz.org saytının əməkdaşı hazırda Leyla Yunusun
yaşadığı evin qarşısındadır. Müxbirimizin verdiyi xəbərə görə, Arif
Yunus jurnalistlərə açıqlama verib.

O deyib ki, saat 11:45-də Leyla Yunus evdən çıxıb RATİ-yə mətbuat
konfransına gedərkən binanın qarşısnda onu saxlayıblar: “Leyla
hal-hazırda Baş Prokurorluqda müstəntiq İbrahim Ləmbəranski tərəfindən
dindirilir. Leylanın vəkilini onun yanına buraxmırlar. Mənə də könüllü
şəkildə ifadə verməyi təklif etdilər. Amma mən tək getmək istəmədim.
Bilirəm ki, Rauf Mirqədirov kimi Leylanı da casusluqda ittiham edərək
həbs edəcəklər. Bilirəm ki, ifadə verməyə getsəm, məni də tutacaqlar”

Bununla belə Arif Yunus vəkillər və jurnalistlərlə birgə Baş
Prokurorluğa gedəcəyini dedi. O, hazırda Baş Prokurorluğa getmək üçün
evini tərk edib.

Müxbirimiz bildirir ki, A.Yunus hazırda Baş Prokurorluğun Ağır
Cinayətlərə Dair İşlər üzrə İstintaq İdarəsindədir. O, binaya daxil
olmazdan öncə jurnalistlərə yalnız bunu deyib: “Bilirəm ki, məni də həbs
edəcəklər”.

L.Yunusun vəkili Xalid Bağırov hazırda müvəkkili ilə bərabər
dindirmədə iştirak edir. L.Yunus müstəntiq İbrahim Ləmbəranskinin
sorğularını cavablandırır.

Short URL: http://www.cumhuriyyet.net/?p=10246