General Rövşən Əkbərov həbs oluna bilər

Avropa məhkəməsi Azərbaycana qarşı daha 3 cərimə qərarı verib

Avropa Insan Haqları Məhkəməsi Azərbaycana qarşı 3 məhkəmə iddiasını təmin edib.

1. Müşfiq Cənnətov Azərbaycana qarşı. Müşfiq Cənnətov 2004-cü ildə
“Ölüm Karvanı” işi üzrə həbs edilib. M.Cənnətov polis işçisi olub. Həbs
edildiyi zaman işgəncələr verilib və cinayət işini boynuna almağa məcbur
olub. Avropa Məhkəməsi Müşfiq Cənnətovun adı çəkilən cinayət işi ilə
əlaqəsi olmadığını və istintaqın işgəncə ilə cinayəti onun boynuna
qoyduğunu təsdiq edib. Avropa Konvensiyası 3-cü və 6-cı maddələrinə
əsasən məhkəmə Müşfiq Cənnətovun işinə yenidən baxılması və ona
Azərbaycan hökumətinin 12 min avro təzminat ödəməsi barədə qərar
çıxarıb.

2. Əliyevlərin işi. Bu iş üzrə Ukraynada 2001-ci ildə qətlə
yetirilmiş azərbaycanlı iş adamı Əliyevin ailəsi tərəfindən Avropa Insan
Haqları Məhkəməsinə müraciət edilib. Bu iş üzrə Azərbaycanlı general
Rövşən Əkbərovun adı keçirdi. Ukraynada hüquq mühafizə orqanları bu ölüm
işində Azərbaycanlı general Rövşən Əkbərovun iştirakını təsdiq etdikdən
sonra cinayət işini Azərbaycan prokurorluğuna göndərib (2004).
Azərbaycan tərəfi isə bu cinayət işinin istintaqını, sadəcə olaraq,
aparmayıb və cinayət işinə xitam verib. Əliyevlər ailəsi AIHM-nə
şikayətlərində maddi təzminat tələbi irəli sürməyib.

3. Çeçenistandan olan qaçqın Ferşiyev Azərbaycana qarşı. Rusiyada
Ferşiyevin haqqında cinayət işi qaldırılıb. Azərbaycanda onu həbs
ediblər və istintaq zamanı işgəncələr veriblər. Avropa Insan Haqları
Məhkəməsi Azərbaycan hökumətinin Ferşiyevə 55 min avro təzminat ödəməli
olduğu barədə qərar çıxarıb.

Short URL: http://www.cumhuriyyet.net/?p=11093