Qaradağda “Abad məhəllə” layihəsinin icrası uğurla davam etdirilir

Çoxmərtəbəli yaşayış evlərinin fasad və dam örtükləri yenilənir, mərkəzi küçələr, məhəllədaxili yollar əsaslı şəkildə yenidən qurulur, işıqlandırma sistemi müasirləşdirilir,  park və meydançalarda müasir tələblər səviyyəsində təmir işləri aparılır, yeni abad məhəllələr salınır.

Bir neçə ildir ki, Qaradağ rayonunda “Abad məhəllə” layihəsi  də bu məqsədlərə xidmət edir.  Son illərdə bir çox ünvanda əsaslı və yenidənqurma işləri aparılaraq, nümunəvi məhəllələr yaradılmışdır. Bu il ərzində rayonun  bir neçə ünvanında “Abad məhəllə” layihəsi çərçivəsində abadlıq və yaşıllaşdırma tədbirləri həyata keçirilib.

Lökbatan qəsəbəsi, İ.Nəbiyev küçəsi 37, 41 və H.Məmmədov 9 saylı binaların həyətində – 2 hektar ərazidə yeni nümunəvi məhəllənin açılış mərasimi olacaqdır. Xeyli müddət idi ki, bu məhəllənin sakinləri rayon icra hakimiyyətinə müraciətlər edir, ümumi istifadə yerlərinin müxtəlif şəxslər tərəfindən qeyri-qanuni zəbt olunaraq, hasarlanmasından haqlı narazılıqlarını bildirirdilər. Rayon sakinlərinin müraciətləri araşdırılmış, qeyri-qanuni hasarlar sökülmüş, abadlıq və təmizlik işlərinə start verilmişdir. Məhəllədə 734 kv.m rezin örtüklü yumşaq döşəmə salınmış, 14 kölgəlik, 17 dəst trenajor idman avadanlığı, əyləncə elementləri yerləşdirilərək 8 uşaq meydançası quraşdırılmış, bundan əlavə, 6 ədəd oturacaq, 450 ədəddən artıq ağac və gül kolları əkilib.

Məhəllənin giriş hissəsində pilləkənlərin və hərəkət məhdudiyyətli sakinlər üçün pandusların quraşdırılması böyük rəğbətlə qarşılanmışdır. Bunlarla yanaşı, həmin əraziyə 680 kvadratmetr aqlay döşənmiş, 7 giriş qapısı dəyəşdirilmişdir. 5112 kv.metr sahəyə qazon salınması, 600 ədəd ağacın, mövsümi güllərin əkilməsi, 512 kvadratmetr ölçüdə yeni futbol və basketbol meydançasının salınması məhəlləyə xüsusi yaraşıq verib.

Görülmüş işlər daxilində burada 6492 kv.metr sahəyə asfalt örtüyü salınmış, 1200 kv.metr tamet döşənmiş, 1140 p/metr beton səki daşları quraşdırılıb. (pia.az)