Sumqayıtda faciə: uşaq dördüncü mərtəbədən yıxılıb öldü
03.11.2018 - 11:15
Sumqayıt şəhərində 7 yaşlı qız binanın dördüncü mərtəbəsindən yıxılaraq ölüb.
“Report” xəbər verir ki, hadisə şəhərin 41-ci məhəlləsində qeydə alınıb.
Belə ki, Sumqayıt şəhər sakini 2011-ci il təvəllüdlü Qurbanova Nuranə Namiq qızı yaşadığı 41-ci məhəllədə binanın 4-cü mərtəbəsində pəncərəyə çıxıb. Bu zaman o, yıxılaraq yerə düşüb. Nəticədə uşaq ağır xəsarətlərdən yerindəcə ölüb.
Qeyd edək ki, N.Qurbanova 1-ci sinif şagirdi olub.
Short URL: http://www.cumhuriyyet.net/?p=124220
