"Yeni təyin olunan adam metropoliten sistemində çalışmayıb"
“Yeni təyin olunan adam metropoliten sistemində çalışmayıb”Bakı Metropoliteninin rəisi Tağı Əhmədov işdən çıxarılması haqda xəbəri musavat.com-a şərh edib.
O, müxbirimizə deyib ki, işdən çıxarılması barədə hər hansı məlumata malik deyil: “Mənə bu haqda heç kim heç nə deməyib. Hazırda işdəyəm, kabinetimdə oturub, sizinlə danışıram”.
“Sizə işdən çıxarılmağınızı kim deməlidir”, – sualına T.Əhmədov belə cavab verib: “Bilmirəm, hər halda kimsə deməlidir. Amma hələ bir xəbər yoxdur. Əgər deyirlərsə ki, məni işdən çıxarıblar, demək düzdür”.
T.Əhmədov yerinə təyin olunduğu bildirilən Zaur Mirtofiq oğlu Hüseynovu tanımadığını da deyib: “Belə bir adam tanımıram, o, metropoliten sistemində çalışmayıb, kimliyindən məlumatsızam”.
Short URL: http://www.cumhuriyyet.net/?p=12588
