Mühacir ADP-çi axtarılır
ADP Gənclər Təşkilatının fəal üzvü olan Musazade Sahib Zeynalabdin oğlu, onun ailəsi və yaxınları hakimiyyətin təyin etdiyi mülki geyimli şəxslər tərəfindən təqib və təzyiqlərə məruz qalmaqdadır. Qeyd edilən şəxslər dəfələrlə Musazade sahibin evinə gələrək anası Musazade Ilhame xanımdan oğlunun harada olduğunu soruşublar. Bu arada 25.02.2019-ci ilin tarixində həmin mulki geyimli şəxslər yenidən Musazade sahibin evinə gələrək, qeyri qanuni yolla eve baxış keçirib onun anasından oğlunun harada olduğunu soruşublar. Həmin şəxslərdən oğlunun hansı səbəbdən axtarılmasını soruşan yaşlı anası təhqir və təzyiqlərə məruz qalıb. Xatırladaq ki, bu mülki geyimli şəxslər bir neçə müddət öncə sahibin evinə gələrək əllərində heç bir axtarış izni olmadan evi axtarmağa cəhd göstərmişlər. O zaman sahibin qardaşı Vahid Musazade evdə olduğundan evin qeyri qanuni yolla axtarılmasına izin vermədiyinə görə mülki geyimli şəxslər tərəfindən döyülüb söyülərək polis bölməsinə aparılmış və orada şərlənərək 10 gün müddətinə inzibati həbs cəzasına məruz qalmışdır.
Qeyd edək ki, Musazade Sahib artıq neçə müddətdir ki, Avropada mühacir həyatı yaşayır. Görünür M.Sahibin siyasi baxışını və fəaliyyətini hakimiyyət özü üçün təhlükəli bildiyinə görə onun ailəsinə böyük ardı arası kəsilməyən təzyiqlər göstərməkdədir.
Short URL: http://www.cumhuriyyet.net/?p=127970