Azərbaycanın antidopinq qanunvericiliyinə dəyişikliklər gözlənilir

07.11.2019 - 12:15

5175dac9-1b51-4985-9301-5206a6e59f70Azərbaycan Milli Antidopinq Agentliyi (AMADA) Ümumdünya Antidopinq Məcəlləsi və bir sıra beynəlxalq standartlara yenidən baxılması ilə əlaqədar qanunvericiliyə dəyişikliklər paketi hazırlayır.

“Report” xəbər verir ki, bu barədə Polşanın Katovitse şəhərində keçirilən Ümumdünya Antidopinq Konfransında iştirak edən AMADA-nın direktoru Şəfəq Hüseynli bildirib. Onun sözlərinə görə, düzəlişlər kompleks xarakter daşıyır: “Məcəllə Ümumdünya Antidopinq Proqramının əsas sənədidir. Məcəllə və standartlara yenidən baxılması milli antidopinq qanunvericiliyinə ciddi əlavə və dəyişikliklərin edilməsini zəruri edir. “İdmanda dopinq vasitələrindən və üsullarından istifadəyə qarşı mübarizə haqqında” Qanun və Antidopinq qaydalarından savayı, Mülki Məcəllə, Cinayət Məcəlləsi, İnzibati Xətalar Məcəlləsi və digər qanunvericilik aktlarına da düzəlişlərin edilməsi nəzərdə tutulur. AMADA düzəlişlər paketini Nazirlər Kabinetinə yaxın bir zamanda təqdim edəcək”.

Qeyd edək ki, 1500- nəfərdən çox şəxsin iştirak etdiyi konfransa AMADA-nın nümayəndə heyəti də qatılıb. Beşinci dəfə keçirilən konfrans Ümumdünya Antidopinq Agentliyinin (WADA) 20 illiyinə təsadüf edir. Tədbirin əsas məqsədi yeni məcəllə və standartların yekun variantlarını qəbul etməkdir. Bunların sırasına artıq mövcud olan Ümumdünya Antidopinq Məcəlləsinə uyğunluq, laboratoriyalar, qadağan edilmiş maddə və üsullar siyahısı, Fərdi məlumatların məxfiliyi və qorunması, test keçirmə və təhqiqatlar, terapevtik istifadə üçün istisnalar üzrə standartlar və ilk dəfə qəbul olunan təhsil və nəticələrin emalı üzrə standartlar da daxildir. Sənədlər 2021-ci ilin əvvəlindən qüvvəyə minəcək.

Ümumdünya Antidopinq Məcəlləsi 2004-cü ildən işləməyə başlayıb. Hal-hazırda 2015-ci ilin Məcəlləsi qüvvədədir.

Short URL: http://www.cumhuriyyet.net/?p=136041

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728