Hüquq müdafiəçiləri DİN rəhbəri ilə görüşüb

Hüquq-müdafiə Təşkilatları Monitorinq Qrupunun üzvləri Novella
Cəfəroğlu, Səidə Qocamanlı, Səadət Bənənyarlı Daxili işlər naziri Ramil
Usubovla görüşüb. Görüşdə əsas müzakirə mövzusu yeni il ərəfəsində
gözlənilən əfv fərmanı olub. Xəbəri mətbuata monitorinq qrupunun üzvü Səidə Qocamanlı verib.

Onun
sözlərinə görə, DİN rəhbəri qaldırılan məsələlərin diqqətə alınacağını
deyib:”Görüş Monitoriqn Qrupunun təşəbbüsü ilə baş tutdu. Bilirsiniz ki,
daxili işlər naziri eyni zamanda Prezident yanında Əfv Komissoyassının
üzvüdür.

Hesab etdik ki, 31 dekabr Dünya
Azərbaycanlılarının Həmrəylik Günü və Yeni İl münasibəti ilə bağlı
gözlənilən əfv fərmanı ilə bağlı gözləntilərimizi cənab nazirə çatdırmaq
faydalı olar. Biz həm səhətində problemlər olan, həm də əfv əzirəzi
yazan məhbusların azadlığa çıxmasını indiki durumda Azərbaycana fayda
verəcəyini düşünürük. Nazirdən xahiş etdik ki, Əfv Komissiyasının
toplantısında bizim mövqeyimiz də nəzərə alınsın. Bizim siyasi məhbus
siyahımızda olan bir neçə şəxsin məsələsinə İnsan Haqları Problemləri
üzrə İşçi Qrupda da baxılıb. Biz bu haqda da cənab nazirə məlumat
verdik. Çox pozitiv fikir mübadiləsi oldu. İnanırıq ki, nəticələr
olacaq”.

Səidə Qocamanlı onu da bildirib ki,
görüşdə Sülh və Demokratiya İnstitutunun bəbsdə olan direktoru Leyla
Yunusun məsələsi ayrıca müzakirə edilib. Monitorinq Qrupunun üzvləri
onun səhhətindəki problemləri əsas gətirərək azadlığa çıxmasına şərait
yaradılmasını istəyiblər:”Leyla Yunusun məsələsi ilə yanaşı Xədicə
İsmayılovanın həbsini də müzakirə etdik. İnsan haqları müdafiəçiləri
olaraq bizim ortaq fikrimiz budur ki, bu cür həbslər heç bir səbəb
olmadan Azərbaycan üçün problemlər yaradır və onların qarşısı
alınmalıdır”.

Səidə Qocamanlı  açıqlamasında əvf fərmanı ilə bağlı gözləntiləri haqqında Ədliyyə
Nazirliyinin İnsan Haqları şöbəsinin müdiri Fuad Qurbanovla da
müzakirələr apardıqlarını bildirib. Dekabrın 8-də isə qrup üzvləri Baş
Prokurorluqda səlahiyyətli şəxslərlə görüşəcək.

Aygün Muradxanlı