В«Baş Prokurorluqda görüşdə bildirdik ki…” – Novella Cəfəroğlu
В«Baş Prokurorluqda görüşdə bildirdik ki, gör, indiyədək nə
qədər adam intihar edib, intihara sövq edənlərin də adları məlumdur.
Amma onların heç biri nəinki həbs olunub, heç istintaqa da cəlb
olunmayıbВ».
Bunu AzadlıqRadiosuna İnsan Haqları üzrə Birgə Qrupun üzvü Novella
Cəfəroğlu baş prokurorun müavini Rüstəm Usubovla görüşdən sonra deyib.
O, Xədicə İsmayılın tezliklə buraxılmasını istədiklərini söyləyib:
В«Xədicə İsmayılın həbsi biabırçılıqdır. Biz Xədicə İsmayılın tezliklə
azadlığa çıxmasına çalışacağıq. Görüşdə təkcə Xədicə İsmayılın yox,
adları bizim siyahıda olan digər siyasi məhbusların da məsələsini
qaldırdıq, ümid edirik ki, nəticəsi olacaqВ».
Azərbaycanda insan haqlarının qorunması məqsədilə yaradılan Birgə
Qrup noyabrdan fəaliyyətdədir. Bəziləri bu qrupun fəaliyyətə başlaması
ilə həbsə düşənlərin sayının artdığını söyləyir. Noyabrın əvvəlindən
bəri AXCP-nin üç fəalı, bir vəkil və bir jurnalist həbs olunub.
Novella Cəfəroğlu Birgə Qrupun işini tənqid edənlərə bildirib ki, nəticə olacaq:
В«Nəticə olmazsa, heç bu qrupun yaradılmasına ehtiyac olmazdı. Bizim
işi tənqid edənlər azadlığa çıxanlardan da danışsınlar. Həsən Hüseynli,
NİDA-çıları bəs kim azadlığa çıxardı? Düzdür, onlar əfv ərizəsi
yazmışdı, amma bu həm də bizim işin nəticəsi idi. Xədicə İsmayıl da bizi
tənqid edənlərdən biri idi. Biz ona zamin durmağa hazırıq. Bilmirik,
bəlkə də o bundan imtina edəcək. Amma biz insan haqları müdafiəçisi kimi
əlimizdən gələni əsirgəməyəcəyik. Ümid edirik ki, nəticəsi olacaq
işimizin, sadəcə, bir az gözləmək lazımdırВ».
Short URL: http://www.cumhuriyyet.net/?p=14339