“Bizə ev yox, atamız lazımdır”

Bunu
AzVision.az-a açıqlamasında Kəlbəcərdə ermənilər tərəfindən girov
götürülən azərbaycanlı Dilqəm Əsgərovun oğlu Kürdoğlu Əsgərov deyib.

K. Əsgərov qeyd edib ki, evlə bağlı onlara Bakıdan çox təkliflər edilib: 

“Bizim
arxamınızda cənab prezidentimiz İlham Əliyev və baş nazirin müavini Əli
Həsənov dayanır. Başqa heç bir nazirlik bizim problemlərimizlə
maraqlanmır. Mənə evlə bağlı Bakıdan çox təkliflər edilib. Tanımadığım
insanlar mənə zəng edərək, bizə ev vermək istədiklərini deyirlər. Mən
isə bundan imtina etmişəm. Bizə ev, yox atamın qayıtmağı lazımdır.
Onlara demişəm ki, birinci atamı qaytarın. Mən o evi almağa layiq bir iş
görməmişəm. Ev yəqin ki, atama görə veriləcək. Mən isə istəyirəm ki, o
evi atamın özünə versinlər”.

Qeyd edək ki, baş
nazirin müavini, Qaçqınların və Məcburi Köçkünlərin İşləri üzrə Dövlət
Komitəsinin sədri Əli Həsənov bir neçə gün öncə açıqlama verib. Bildirib
ki, Azərbaycan prezidenti girovların ailələrinin mənzil şəraitinin
yaxşılaşdırılması ilə bağlı tapşıq verib. 

Xatırladaq
ki, Dilqəm Əsgərov və Şahbaz Quliyev Kəlbəcərdə yaxınlarının qəbrini
ziyarət edərkən Ermənistan Silahlı Qüvvələri tərəfindən girov götürülüb,
digər Azərbaycan vətəndaşı Həsən Həsənov isə öldürülüb.