35 nəfəri girov götürən iranlı Munis kimdir?
İrandan qaçan şiə ruhani, 40-dan çox cinsi motivli sataşma ittihamı…
Dünən Avstraliyanın paytaxtı Sidneydəki kafelərin birində 35
nəfəri girov götürən, İran əsilli Man Harun Munis haqqında
məlumatlar yayılıb. Avropa.info xəbər verir
ki, 49 yaşlı Munis 1964-cü ildə İranın Burucərd şəhərində dünyaya
gəlib. İranda şiə məzhəbindəki bəzi məsələləri dövlətin rəsmi dini
ideologiyasına zidd olaraq şərh etdiyi üçün təqibə məruz qalıb. İranda
arvadı və uşaqları həbs olunub, özü isə 1996-cı ildə Avstraliyaya qaçıb
və mühacir həyatı yaşamağa başlayıb.
Sidneyin şimal-qərb səmtlərindən birində yaşayan Harun Munis buradakı şiə dindarlar arasında Şeyx Harun kimi tanınmağa başlayıb. NATO
koalisiyasının 2001-ci ildə Əfqanıstana müdaxiləsindən sonra Harun
Munis öz qadın dostu Amira Druids ilə birlikdə bu koalisiyada iştirak
edən Avstraliya ordusuna mənsub əsgərlərin Əfqanıstandan çıxarılması
üçün aksiyalar təşkil edib. O, Əfqanıstandakı Avstraliya əsgərlərinin
ailələrinə e-maill göndərərək onları Avstraliya hökumətini məhkəməyə
verməyə çağırıb.
O, açıq şəkildə əsgər
ailələrini təhqir etməsi, Əfqanıstanda öldürülən Avstraliyalı əsgərləri
“murdar donuz leşləri” adlandırdığı və Avstraliya ordusunu Hitlerin
ordusuna bənzətdiyi üçün məhkəməyə verilib. Bundan
başqa 2013-cü ildə Harun Munisə qarşı keçmiş arvadı Nolin Palın
bıçaqlanaraq öldürülməsi ilə bağlı ittiham irəli sürülən məhkəmə prosesi
başlamışdı. Harun Munisə qarşı 40-dan çox cinsi motivli sataşma
ittihamı da irəli sürülmüşdü.
Kafedə baş verən hadisədən sonra, bəzi mənbələr Munisin öldürüldüyünü bildirilər.
Short URL: http://www.cumhuriyyet.net/?p=14582
