Bu il ərzində Azərbaycanda yaradılan sənaye müəssisələrinin sayı açıqlanıb

“Bu il ölkədə 40-a yaxın orta və iri sənaye müəssisəsi açılıb, 30-dan çox sənaye müəssisəsi yaradılmaqdadır”.

 APA-nın
məlumatına görə, bunu bu gün İqtisadiyyat və Sənaye Nazirliyinin
Mətbuat Şurası ilə birgə KİV nümayəndələri arasında təşkil etdiyi
“Sənaye ili”nə həsr olunmuş “Azərbaycan sənayesi yeni inkişaf
mərhələsində” mövzusunda yaradıcılıq müsabiqəsinin yekunları ilə bağlı
keçirilən tədbirdə iqtisadiyyat və sənaye nazirinin müavini Niyazi
Səfərov bildirib.

N. Səfərov deyib ki, Azərbaycan
iqtisadiyyatının yeni inkişaf mərhələsi “Əsrin müqaviləsi” ilə başlayıb.
Sənayeləşmə siyasəti prezident İlham Əliyev tərəfindən davam etdirilib.

Onun
sözlərinə görə, Bakı-Tbilisi-Qars dəmir yolu, “Şahdəniz-2”, TAP və
TANAP layihələri Azərbaycan iqtisadiyyatının inkişafında mühüm rol
oynayacaq.

Hazırda Azərbaycanda ərzaq məhsulları,
tikinti materialları, avtomobil, mebel və digər sənaye məhsulları
istehsal olunduğunu söyləyən N. Səfərov qeyd edib ki, hazırda Azərbaycan
sənayesinin bir sıra məhsulları xarici bazarlarda rəqabət aparır.

Yaradılmaqda
olan sənaye parklarından söz açan nazir müavini prezident İlham
Əliyevin rəhbərliyi ilə həyata keçirilən siyasətin Azərbaycanı regionun
ən güclü sənaye mərkəzinə çevirəcəyini vurğulayıb.