Paris olayını ifşa edəcək 4 sual: Kirli oyun yəqinləşir

09.01.2015 - 19:19

Türk mediasının sensasion araşdırmasında olayın pərdəarxası məqamlarına toxunulub

“Çarli Hebdo” jurnalı üçün , kənardan işləyən və heç zaman
redaksiyaya gəlməyən, 3 qocaman karikaturaçı hadisə günü nə üçün jurnala
çağırılıb? Qapı hücum edənlərə açan Korinn Rey, qırğından necə xilas
oldu? Bir müddətdir ki, təqib edilən şübhəlilər hücumu necə həyata
keçirib? Jurnal binasının qarşısında yerləşən təhlükəsizlik qüvvələri
niyə həmin gün olmayıb?

Türkiyə mediasında Paris olayları ilə bağlı geniş araşdırma
yazısı dərc olunub. Yazıda olayın pərdəarxası məqamlarına da toxunulub.

Dünya
iki gün öncə, Fransanın paytaxtı Parisdən gələn xəbərlə silkələndi.
Hz. Məhəmməd (s.a.s) və İslamla bağlı reaksiya çəkən karikaturalar dərc
etdirən “Çarli Hebdo” adlı jurnala hücum edilib. Hücumu həyata
keçirənlər tam 10 dəqiqə ərzində jurnalı demək olar ki məhv etdi . 12
insan həyatını itirdi. Hücum edənlərin Əlcəzair əsilli Fransa vətəndaşı
Şərif (32 yaşlı ) və Səid Kuaçi (34 yaşlı ) adlı qardaşlar olduğu
açıqlanıb. Təhlükəsizlik orqanları iki qardaşı axtararkən ağıllarda sual
işarəsi buraxan hadisələr zənciri baş verdi. Məhz o suallar:

1.
Hücumda ölən karikaturaçılar George Volinski (80 yaşlı ), Bernard
Verlhac (58 yaşlı ) və Jan Cabut (75 yaşlı ) heç bir zaman jurnalın
redaksiyasına gəlmirdi. Ancaq jurnalın səlahiyyətlilərindən biri
yanvarın 5-də bu üç adama zəng edərək, çərşənbə günkü toplantıda
mütləq iştirak etmələrini söylədi. Sözügedən 3 karikaturçu hücum günü
evlərindən götürülərək jurnala gətirildi və hadisədə həyatlarını
itirdilər . Onları kim çağırdı?

2. Qırğından
xilas olan şəxslərdən biri qadın karikaturaçı Korinn Reydi. Rey
“Qızıma baxmaq üçün uşaq bağçaya getdim. Jurnala qayıdanda isə qapının
qarşısında maskalı və silahlı 2 nəfər vardı. Məni təhdid edəndən sonra,
jurnalın qapısının giriş kodunu dedim . Masanın altına girib xilas
oldum”- deyib. Elə bu yerdə bir sual ortaya çıxır : 12 nəfərin
həyatını itirdiyi otaqda olan Reyin xilas olması necə bu qədərmi
bəsitdir?

3. İki qardaş təhlükəsizlik
qruplarının təqibində nəzarətində olub . Polis tərəfindən nəzarət
altında olan iki qardaş, necə oldu ki, əlini qolunu yelləyə-yelləyə
Parisin ortasında belə bir hücumu reallaşdırdılar?

4.
Hadisə ilə bağlı bir açıqlama da jurnalın üst qatındakı televiziyanın
rəhbəri Lük Hermandan gəldi. Herman, “Çarli Hebdo” nun ön qapısının
önündə uzun müddət bir avtomobildə iki polis gözləyirdi . Ancaq son
həftələrdə polis yox idi. Polisin nə üçün orada olmadıqları sual
doğurur”

Short URL: http://www.cumhuriyyet.net/?p=15118