Hamının ömrünə bir saniyəlik bonus
10.01.2015 - 15:40
Yer kürəsinin öz oxu ətrafında fırlanma sürətinin azalması səbəbindən 2015-ci il bir saniyə uzun olacaq. AzərTAc-ın məlumatına görə, bunu Paris rəsədxanası açıqlayıb. Məlumatda deyilir ki, yaranan fərqi götürmək üçün bu il saata bir saniyə əvəz olunacaq. Beləliklə, 30 iyun tarixində gün 86 min 400 əvəzinə, 86 min 401 saniyıə olacaq. Saatlara əlavə saniyə ilk dəfə 1972-ci ildə, axırıncı dəfə isə 2012-ci ildə əlavə edilib.
Bu ilki əlavə tarixdə 26-cı olacaq. ABŞ əlavə saniyələrin naviqasiya və rabitə sistemləri üçün dağıdıcı olacağını iddia edərək bunun qarşısını almaq istəyir. Bunun əksinə olaraq, Birləşmiş Krallıq “Qrinviç ortalama vaxtı”nın dəqiq olması üçün əlavə saniyələri vacib sayır. “Qrinviç ortalama vaxtı” 1847-ci ildə günəşin qrinviç meridianından keçməsinə görə hesablanıb və qəbul edilib.
Short URL: http://www.cumhuriyyet.net/?p=15164
