Xidmət rəisi məhbusu öldürən işçilərini tutdurdu

Ədliyyə Nazirliyi və Baş Prokurorluğun birgə araşdırmaları
nəticəsində 22 dekabr 2014-cü il tarixdə saat 07 radələrində Penitensiar
Xidmətin 14 saylı cəzaçəkmə müəssisəsindən məhkum Babayev Elşad Səid
oğlunun ölümü ilə nəticələnən cinayətin bəzi təfərrüatı məlum olub.

Axar.az-a daxil olan qeyri-səhih məlumata görə, Elşad Babayevin
ölümündə təqsirli bilinən mayor rütbəli Firdovsi, rejim rəisi, baş
leytenant Faiq adlı şəxs və bir neçə digər həbsxana işçisi məsuliyyətə
cəlb olunub.

Araşdırma nəticəsində o da məlum olub ki, cəzaçəkmə müəssisəsində
məhkumlar arasında narazılıq da məhz bu hadisədən sonra baş verib.

Bildirək ki, 14 saylı cəzaçəkmə müəssisəsində əsasən az ağır
cinayətlərə görə məhkum olunan, ilk dəfə məhkumluq həyatı yaşayan
şəxslər saxlanılır. 

Xatırladaq ki, bu gün Ədliyyə Nazirliyi və Baş Prokurorluğun
yaydığı birgə məlumata görə, 22 dekabr 2014-cü il tarixdə saat 07
radələrində Penitensiar Xidmətin 14 saylı Cəzaçəkmə müəssisəsindən
məhkum Babayev Elşad Səid oğlunun ölümü ilə bağlı daxil olmuş məlumata
əsasən, Qaradağ rayon Prokurorluğunun müstəntiqi tərəfindən məhkəmə-tibb
ekspertinin və Ədliyyə Nazirliyinin Tibb Xidmətinin əməkdaşlarının
iştirakı ilə hadisə yerinə və meyitə baxış keçirilib.

İkin araşdırma ilə müəyyən edilib ki, müəssisədə cəza çəkən bir
qrup məhkum baş vermiş hadisədən istifadə edərək rejim qaydalarını
pozub, əməkdaşların tələblərinə əməl etməyək müəssisənin normal iş
fəaliyyətinin pozulmasına yönəlmiş hərəkətlərə yol veriblər.

Qaradağ rayon Prokurorluğunda faktla bağlı cinayət işi başlanıb, istintaq davam edir.

Qeyd edək ki, məlum hadisəni “Yeni Müsavat” qəzeti ilk olaraq işıqlandırıb və mövzunu hələ də davam etdirir. 

14 saylı türmədəki qiyam məhbus ölümü ilə bağlı imiş?

14 saylı cəzaçəkmə müəssisəsində qiyam baş verib – yenilənib