Erməni ailəsini qıran rus əsgəri həbsxanada kef içində

Bir erməni ailəsinin 6 üzvünü qətlə yetirən Valeri Permyakovun azadlıqda olması barədə şübhələr yaranıb. Belə ki, aar.az xəbər verir ki, onun sosial şəbəkədəki profilinin aktiv olması və vaxtaşırı istifadə edilməsi bu ehtimallara yol açıb.

Aparılan qısa araşdırma zamanı da məlum oldu ki, Permyakovun “VKontakte” şəbəkəsindəki səhifəsi dünən aktivləşib. Səhifənin müstəntiqlər tərəfindən araşdırılması variantına şübhə ilə yanaşılır. Çünki gecə vaxtı istintaqın aparılması inandırıcı görünmür. Permyakovun azadlıqda olması da risqli addım olardı. Belə çıxır ki, Rusiya öz əsgərini simvolik olaraq həbsdə saxlayır. “Məhbus” qatilə içəridə lyuks şərait yaradılıb.

Xatırladaq ki, Gümrüdə 102 saylı Rusiya hərbi bazasının əsgəri olan Permyakov yanvarın 12-də səhər saatlarında bir erməni ailənin 6 üzvünü qətlə yetirib. Cinayəti törətdikdən sonra qaçmağa müvəffəq olan Permyakov bir gün sonra Türkiyə ilə sərhəddə yaxalanıb.