Zeynalabdin Tağıyevin nəticəsindən Azərbaycana dəstək
Məşhur xeyriyyəçi hacı Zeynalabdin Tağıyevin nəslinin davamçısı, Fransada yaşayan Alban Kloud Ermənistanın Azərbaycana qarşı yeni təcavüz aktına etirazını bildirib.
“Report”un xəbərinə görə, o deyib ki, sentyabrın 27-dən başlayaraq Azərbaycan-Ermənistan qoşunlarının təmas xəttində güclü döyüşlər gedir.
“Vəziyyətin ciddiliyini və mənim Azərbaycanla bağımı nəzərə alaraq yazdığım bu mətni və illüstrasiyalaşdırdığım xəritəni fransız dostlarımla paylaşmağa haqqım çatır.
Mən müharibənin əleyhinəyəm, lakin çoxtərəfli diplomatiya son otuz ildə bu saxta, dondurulmuş münaqişənin həllinə dair başqa bir alternativ təklif edə bilməyib.
Bu yazım, xüsusi ilə şərhçilər tərəfindən gözardı edilən Qarabağ məsələsinə Azərbaycanın mövqeyini və bu münaqişədə Fransanın rolunu anlamağa imkan verəcək”, o bildirib.
Short URL: http://www.cumhuriyyet.net/?p=155102
