Tanınmış iş adamı ordumuza dəstək verdi və hər kəsi dəstəyə çağırdı
Rəşadətli Azərbaycan Ordusu torpaqlarımızın işğaldan azad olunması istiqamətində qətiyyətli tədbirlərini davam etdirir. Bu günlərdə hər kəs Ordumuza, Azərbaycanın haqq işinə dəstək verir. Ali Baş Komandan, cənab Prezident İlham Əliyevin “Qarabağ Azərbaycanındır və nida” sözləri düşmən üçün əcəl zəngidir. Azərbaycan ordusu torpaqlarımızın işğaldan azad edilməsi uğrunda artıq 6 gündür ki, böyük fədakarlıqla döyüşür. Ordumuzun düşmən üzərindəki üstünlükəri xalqda böyük ruh yüksəkliyi yaradır. Ölkəboyu orduya dəstək məqsədilə xalq könüllü səfərbərliyə gedir, əsgərlərin ərzaq, su və s. ehtiyaclarını ödəmək üçün yardımlar edir, yaralılara kömək üçün qan verməyə çalışır.
Musavat.com xəbər verir ki, bu günlərdə Azərbaycan Respublikasının Silahlı Qüvvələrinə Yardım Fonduna ordumuza və dövlətimizə dəstək kampaniyasının dairəsi də getdikcə genişlənir. Təsisçisi Loğman Zülfüqarlı olan “Bakı İnşaat Sənaye” ASC Azərbaycan Respublikasının Silahlı Qüvvələrinə Yardım Fonduna 100 min manat köçürüb. ASC hər kəsi ordumuza və dövlətimizə dəstək verməyə səsləyib – “Ordumuz-Qürurumuzdur”.
Silahlı Qüvvələrə Yardım Fondu Azərbaycan Prezidentinin 2002-ci il 17 avqust tarixli Fərmanı ilə yaradılıb. Fond Azərbaycan Respublikası Silahlı Qüvvələrinin müasir tələblər səviyyəsində inkişafını təmin etmək, onun maddi-texniki bazasını möhkəmləndirmək və zəruri sosial tədbirləri maliyyələşdirmək məqsədilə yaradılıb. Fondun maliyyə mənbəyi Azərbaycan Respublikası Silahlı Qüvvələrinin maddi-texniki və sosial bazasının möhkəmləndirilməsinə maliyyə köməyi məqsədilə Azərbaycanın ərazisində fəaliyyət göstərən hüquqi və fiziki şəxslərdən könüllülük əsasında daxil olan maliyyə vəsaiti və qanunvericiliklə qadağan edilməyən digər daxilolmalardır. Fondun əsas vəzifəsi Azərbaycan Respublikasının etibarlı müdafiəsi üçün Silahlı Qüvvələrin inkişafını və onun maddi-texniki bazasının möhkəmləndirilməsini, həmçinin hərbi qulluqçuların sosial müdafiəsinin daha da gücləndirilməsini təmin etməkdir.
Short URL: http://www.cumhuriyyet.net/?p=155218
