Əhməd Davudoğlu dünya ermənilərini Türkiyə ilə barışmağa çağırıb

21.01.2015 - 10:44

“Eyni coğrafiyanı və uzun bir
tarixi bölüşən türklərlə ermənilər bütün məsələləri yalınız öz
aralarında müzakirə və həll edə bilər”

Türkiyənin baş naziri Əhməd Davudoğlu
İstanbulda erməni dilində nəşr olunan “Agos” qəzetinin baş redaktoru
Qrant Dinkin öldürülməsinin 8-ci ildönümü ilə əlaqədar açıqlama verib.
APA-nın xəbərinə görə, Ə. Davudoğlu Q. Dinki həm erməni kökənindən, həm
də Türkiyəyə bağlılığından vaz keçmədən türklər və ermənilərin ortaq
gələcəklərini inşa etməyin yollarını arayan dəyərli bir Anadolu ziyalısı
adlandırıb: “Biz köklü acıların aşılması və tarixi birliyin
xatırlanması üçün ürəyini və ağlını ortaya qoyan, türk-erməni dostluğunu
özündə birləşdirən Dinkin dostluq yoluna tutduğu məşəlin işığında
zehinlərdə və könüllərdə qapılar açmaq istəyirik”.    
 
Ə. Davudoğlu türk-erməni dostluğuna inanan hər kəsi yeni bir
başlanğıca dəvət edib və bütün ermənilərə səslənib: “Müharibə
şərtlərində məcburi yer dəyişdirmə siyasətinin 1915-ci il hadisələri də
daxil olmaqla, qeyri-insani nəticələr doğurduğunu daha öncə də açıqlayan
Türkiyə ermənilərin acılarını paylaşır və iki xalq arasında yenidən
birgə duyğuların yaranması üçün səbr və qərarlılıqla cəhdlər göstərir.
Qarşılıqlı münasibətlərimizi əsir alan düşmənçiliyin aradan qaldırılması
üçün başda dialoq qurulması olmaqla, hansı addımları atmağın lazım
gəldiyini göstərən Türkiyə baş nazirinin 23 aprel 2014-cü il tarixli
başsağlığı mesajı bu cəhdlərin ən bariz ifadəsidir. Zamanı 1915-ci ildə
donduran böyük travmanı geridə buraxmağın yolu tabuların yıxılması ilə
başlaya bilər. Türkiyə bu nöqtəni aşıb və keçmişdən qalan basmaqəlib
sözləri, bəyanatları geridə qoyub”. 
Ə. Davudoğlu eyni coğrafiyanı və uzun bir tarixi bölüşən türklər və
ermənilərin bütün məsələləri yalınız öz aralarında müzakirə edə
biləcəklərini və həll yollarını da yalnız birlikdə axtara biləcəklərini
vurğulayıb: “Qarşılıqlı etimad və əməkdaşlıq anlayışını inkişaf
etdirmək, 800 illik ortaq tariximizin işığında bir-birimizi yenidən
tanımaq, insani əlaqələr qurmaq vacibdir. Bu anlayışla erməni
dostlarımızı Türkiyəni daha çox ziyarət edərək qarşılıqlı etimadsızlığı
aradan qaldırmağa dəvət edirik”.   
Açıqlama erməni dili də daxil olmaqla, 8 dildə yayılıb. 

Short URL: http://www.cumhuriyyet.net/?p=15556

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728