Suqovuşanın suyuna qovuşmuş torpağın bərəkəti və insanların fərəhi – VİDEO+FOTO
Qarabağda erməni təxribatına cavab olaraq əks-hücuma keçmiş şanlı ordumuzun müzəffər yürüşü sayəsində Suqovuşan kəndinin və onun yaxınlığındakı su anbarının düşməndən geri alınması, bütün xalqımız kimi, bölgə camaatını da hədsi sevindirib.
25 ildən artıq idi ki, ermənilər bu bəndin qarşısını kəsir, suvarma üçün əlverişli aylarda Tərtər çayına su buraxmırdılar, nəticədə 100 min hektarlıq əkin sahələri susuzluqdan qovrulurdu, kənd zəhmətkeşləri bərəkətli torpaqlardan lazım qədər məhsul götürə bilmirdilər.
Artıq suyun qarşısını kəsən “əjdaha”nın qolları vurulub və o, başı əzilmiş halda suyun dəhnəsindən çəkilməli olub. İndi Suqovuşanın suyu, sözün əsl mənasında bölgə camaatı üçün dirilik suyudur. Onlar çox sevinir və buna görə şücaətli ordumuza minnətdardırlar.
Tərtərdə olan əməkdaşlarımız Elşən Məmmədəliyev və Elçin Əkbərov öz halal nemətlərinə – Suqovuşanın suyuna qovuşmuş insanların bugünkü sevincini video və fotolentə həkk edib.
Short URL: http://www.cumhuriyyet.net/?p=155761
