ŞOK: prezidentin saçı 25 min dollara satıldı
Sabiq ABŞ prezidenti Abraham
Lincolna məxsus əşyalar Dallas şəhərində keçirilən hərracda $800 000-dan
çox pul gətirib (625 000 AZN). Qətlə yetirilmiş prezidentin
saçları $25 000-ə satılıb, amma Vətəndaş Müharibəsinin uğursuz getdiyini
qeyd edən məktubu satılmayıb. Onu qətlə yetirən John Wilkes Booth
tərəfindən imzalanan məktub $30 000-a, Booth-un həbsinə göstəriş
vəsiqəsi isə $21 250-a satılıb.
300 əşyadan ibarət kolleksiyanı
Texas ştatında qalereya sahibi olan Donald Dow 1963-cü ildə başlamışdı.
O, beş il bundan əvvəl ölüb. Onun oğlu Greg deyib ki, “digər kolleksionerlərin [əşyalara] malik olmağın” vaxtı gəlib. Dallas şəhərində yerləşən Heritage Auctions hərrac şirkətindən Don
Ackerman Associated Press xəbər agentliyinə Booth-un məktubunun nəyə
görə daha baha qiymətə satıldığını izah edib: “Booth-un törətdiyi
qəddarlıq xalqda o qədər nifrət oyatmışdı ki, onun bütün məktubları,
imzaları və onun adı çəkilən bütün sənədlər Lincolnun ölümündən sonra
məhv edilib. Beləliklə 150 il sonra qalan hər hansı [sənəd] həddən artıq
nadir və qiymətlidir”.
$803 889-lıq məbləğ gözlənilən məbləğdən ikiqat yüksək idi, Heritage Auctions-dan Eric Bradley deyib. Saçları cərrah General Joseph Barnes 1865-ci il aprelin 14-də, Lincoln qətlə yetiriləndən az sonra kəsmişdi.
Short URL: http://www.cumhuriyyet.net/?p=15744