Azərbaycanda bank işçilərinin korrupsiya əməli aşkarlandı
Lombard işçisinin qanunsuz əməlləri barədə Milli
Təhlükəsizlik Nazirliyindən daxil olmuş material Baş prokuror yanında
Korrupsiyaya qarşı Mübarizə Baş İdarəsində araşdırılıb.
Baş Prokurorluğun mətbuat xidmətindən Modern.az-a
verilən məlumata görə, araşdırmalar zamanı “Atrabank” ASC-nin “Bakı”
filialının vəzifəli şəxslərinin vəzifə səlahiyyətlərindən sui-istifadə
edərək bankdan kredit və nağd şəkildə pulların çıxarılması məqsədilə
Səbail rayonunda fəaliyyət göstərən lombardın işçisi Yasəmən
Abdullayevanın vasitəsilə saxta qızıl məmulatlarını 2011-ci ildən
başlayaraq müxtəlif vaxtlarda banka girov qoymaqla 350 min manat
məbləğində özgə əmlakını dələduzluq yolu ilə ələ keçirmələrində şübhələr
üçün əsaslar olduğundan fakta görə Cinayət Məcəlləsinin 178.3.2
(dələduzluq, külli miqdarda ziyan vurmaqla törədildikdə) və 308.1-ci
(vəzifə səlahiyyətlərindən sui-istifadə) maddələri ilə cinayət işi
başlanıb.
Short URL: http://www.cumhuriyyet.net/?p=15794