Hökumət pensiyaçılarla məzələnib: artım 1 manat 2 qəpik

İqtisadçı ekspert Qubad İbadoğlu neçə gündür “pensiyalar artırıldı” mahnısını zümzümə edən cəmiyyətin polemikasına son qoyub: “Dövlət
başçısının pensiyalarının sığorta hissəsinin indeksləşdirilırək
artırımasına dair sərəncamı ənənəvi xarakter daşıyır. Hər ilin yanvan
ayının 1-dən fərdi hesabların sığorta hissəsində toplanmış pensiya
kapitalı məbləğlərinin indeksləşdirilməsi 2014-cü il üzrə istehlak
qiymətləri indeksinə (inflyasiya) uyğun olaraq aparılır. Ötən ilin
inflyasiya səviyyəsinə uygun olaraq əmək pensiyalarının yalnız sığorta
hissəsi 1,4 faiz artırılacaq. 1,4 faizlik artım pensiyaların bütün
məbləğinə deyil, yalnı sığorta hissəsində toplanmış pensiya kapitalı
məbləğinə şamil olunacaq. Ona görə də əksər pensiyaçıların
pansiyalarının artımını qəpiklərlə ifadə edəcək. Çünki, ölkədə
inflyasiyaının gerçək səviyyəsi yüksək olmasına baxmayaraq, Dövlət
Statistika Komitəsi onun aşağı göstərir. Biz bunu alternativ yolla
inflyasiya səviyyəini eyni metodika üzrə hesabladığımız zaman dəfələrlə
isbat etmişik.

Məlumat üçün qeyd edimki, 1 yanvar 2015-ci il
tarixinə ölkə üzrə əmək pensiyaçılarının sayı 1 290,1 min nəfər təşkil
edib. Həmin tarixə əmək pensiyalarının orta aylıq məbləği 173,4 manat, o
cümlədən yaşa görə əmək pensiyasının orta aylıq məbləği 192,3 manat
olub. Hesablamalar göstərir ki, indeksləşdirmədən sonra orta hesabla
əmək pensiyaları ((173,4 AZN- 100 AZN) x 1,4 %) 1 manat 2 qəpik, yaşa
görə pensiyanın məbləği ((192,3 AZN – 100 AZN) x 1,4 %) 1 manat 29 qəpik
artacaq isə artacaq.”