“Konsertdən qazandığım 11 mini qazilərin əməliyyatına bağışladım” – Şəbnəm Tovuzlu
19.01.2021 - 14:56
Müğənni Şəbnəm Tovuzlu Rusiyada konsert verdiyi üçün ünvanına deyilən tənqidlərə münasibət bildirib.
Musavat.com xəbər verir ki, bir aydır Rusiyada olan və orada toy məclislərinə də qatılan ifaçı bildirib ki, konsertdən qazandığı pulu xeyriyyə işlərinə ayırıb:
“Mənə qarşı haqsız tənqidlər yazılır. Rusiyaya gəlməyim, konsert verməyim o qədər müzakirə olundu ki… Mən etdiyim xeyriyyə işlərini açıb danışmıram. Amma bu qədər təhqirə layiq deyiləm. Konsertdən qazandığım puldan 11 min dollar iki qazimizin əməliyyatına ayrılıb. Hazırda Bakıda deyiləm, amma qayıdanda həmin qaziləri ziyarət edib, video paylaşacam. Onların müalicəsi üçün nə lazımdırsa, öz boynuma götürmüşəm”.
Short URL: http://www.cumhuriyyet.net/?p=160052
