Serbiya da "Cənub axını"na qoşuldu
10.06.2014 - 08:07
Serbiya Baş nazirinin birinci müavini və ölkənin Xarici İşlər naziri İviça Daçıç “Cənub axını”nda iştiraklarını dayandırmadıqlarını bəyan edib. Bu barədə xəbəri “Ria novosti” agentliyi yayıb.
Agentliyin məlumatına görə, o, hadisələrin inkişafını yaxından izləyəcəklərini dilə gətirib. Onun sözlərinə görə, qaz xəttinin inşasının dayandırılması ilk növbədə Brüsellə Moskvanın problemləridir, Serbiya isə iştiraklarını vacib sayır. Daçıç əlavə edib ki, “Cənub axını”n reallaşdıfılması Serbiyanın milli maraqlarına tam uyğundur.
Xatırladaq ki, bir qədər əvvəl əksər media qurumlarında Bolqarıstanın arxasınca Serbiyanın da sözügedən layihədə iştiraklarını dayandırdığı barədə xəbərlər yayılmışdı.
Short URL: http://www.cumhuriyyet.net/?p=16319
