Səfər Əbiyevin köməkçisinin kodlaşmış biznes obyektləri…

08.04.2013 - 09:40

seferebiyevElçin Xəlilov hərbi hissəyə ayrılan mal-materialları özünün biznes strukturlarına daşıtdırırmış

Sabiq
müdafiə naziri Səfər Əbiyevin köməkçisi, ictimaiyyətin zəlzələşünas alim kimi tanıdığı “N” saylı məxfi hərbi hissənin sabiq komandiri Elçin Xəlilovun korrupsiya əməlləri haqda yeni detallar ortaya çıxıb. E.Xəlilov Cinayət Məcəlləsinin 308.2. və 179.3.2. maddələri ilə təqsirləndirilən şəxs qismində cəlb edilərək Respublika Hərbi Prokurorluğunun təqdimatı əsasında barəsində üç ay müddətinə həbs-qətimkan tədbiri seçilib.

Analitik.az xəbər verir ki, elmi fəaliyyət sahəsində yüksək titullara malik E.Xəlilovun uzun müddət cavabdeh olduğu sahəyə nə MN-dən, nə də Hərbi Prokurorluqdan heç kimsə müdaxilə etməyib. Buna səbəb kimi, onun keçmiş nazir S.Əbiyevlə çox yaxın, xüsusilə “özəl münasibətlərinin” olması göstərilir. E.Xəlilovun tabeliyinə aldığı hərbi hissənin bütün maliyyə-texniki fəaliyyətini yalnız özü yönəltməsi, illərlə MN-dən bu hissəyə adi yoxlamanın belə gəlməməsi onun “toxunulmazlığı”nın təminatı olub. Zakir Həsənovun müdafiə naziri təyin olunmasından az sonra E.Xəlilovun paxırları açıldı…
E.Xəlilovun tabeliyindəkilərə “məxfi”, “xüsusi əhəmiyyətli” kimi təqdim etdiyi fəaliyyətinin əslində dövlət əmlakını mənimsəmə, talama və vəzifədən sui-istifadədən başqa bir şey olmadığı məlum oldu. Rəsmi ittihama görə, Elçin Xəlilov Müdafiə Nazirliyinin Elmi-Tədqiqat Mərkəzinə rəhbərlik etdiyi müddət ərzində vəzifə
səlahiyyətlərini aşmaqla külli miqdarda dövlət əmlakını talayıb. Bu,
hələ 2013-cü ilin yay aylarında baş vermişdi. Məlumata görə, fəaliyyəti
dövründə E.Xəlilovun dövlət büdcəsindən ayrılan vəsaitlər hesabına öz
şəxsi biznesini qurmaq, mal-materialın, avadanlıqların şəxsi məqsədləri
üçün istifadə etmək halları aşkar olunub. Tabeliyində olanlar belə onun
əslində hansı fəaliyyətlə məşğul olduğunu, hərbi hissələrdən əmlak və
avadanlıqların tapşırılan istiqamətlərə nə məqsədlə aparıldığını
bilmirlərmiş. Bunun hesabatını ondan soruşan olmayıb. Əyninə hərbi forma
geyinməsə də, tabeliyində olanlar ona “polkovnik”, bəziləri isə
“general” deyə, müraciət edirmişlər. Nazirlə xüsusi yaxınlığından əlavə,
adlı-sanlı alimin “çox mühüm” bir şəxs olduğu və rəhbərlik etdiyi
sahədə verdiyi tapşırıqların sözsüz icra olunduğu bildirilir. Bakı
şəhərinin və respublikanın müxtəlif yerlərində dövlətə məxsus
obyektlərin şəxsi məqsədləri üçün istifadə edildiyinə dair məlumatlar
var.
E.Xəlilov bu obyektləri xüsusi adlarla kodlaşdırıbmış. “Gəmi”,
“Qusar”, “Zəlzələ-1”, “Zəlzələ-2”, “Dəniz”, “Çaykənarı” və s. kod adları
ilə işarələnən məntəqələr, sən demə, E.Xəlilovun və qohumlarının şəxsi
obyektlərinin, biznes qurumlarının yerləşdiyi məkanlar imiş…
“Komandir”in tapşırığı ilə tikinti materialları, avadanlıqların
daşındığı “obyektlər”in onun özünə və qohumlarına məxsus evlər, villalar
və biznes obyektləri olduğu yoxlamadan sonra üzə çıxıb.
Onun özünə yaxın buraxdığı 1-2 nəfər olub ki, “obyekt”lərin əsl
təyinatını bildiklərindən, işlərin bölgüsünü, avadanlıqların daşınmasını
məhz onlar həyata keçiriblər. Müdafiə Nazirliyinin yoxlama
materiallarının prokurorluğa təqdim edilməsindən sonra isə həmin adamlar
da “yoxa çıxıb”lar. E.Xəlilov onlara bir müddət “gözdən uzaq” olmağı
tapşıraraq, özünün bütün məsələləri yoluna qoyacağını vəd edib…
Məlumata görə, həbsindən 2 ay əvvəl Müdafiə Nazirliyinə dəvət
olunan E.Xəlilova nazirliyin daxili yoxlaması nəticəsində rəhbərlik
etdiyi hərbi hissədə 3 milyon manata yaxın yeyintinin olması
bildirilib.
rrMəhəmmədəli Allahverdiyev
https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=16447

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Yanvar 2023
BE ÇA Ç CA C Ş B
 1
2345678
9101112131415
16171819202122
23242526272829
3031