Deputat Tovuzda şəhid ailəsini ziyarət etdi
Bu gün 104 saylı Gədəbəy-Tovuz seçki dairəsi üzrə millət vəkili Arzu Nağıyev şəhidin məzarını və ailəsini ziyarət edib. Reportyor.info xəbər verir ki, Vətən müharibəsində şəhid olan Tovuz rayonunun Aran Yanıqlı kəndindən Heydərov Vasif Nazim oğlunun məzarı üstündə dualar oxunub. O, 2020-ci il sentyabrın 27-də Fizulinin azad olunması uğrunda gedən döyüşlərdə qəhrəmancasına şəhid olub. Yaşasaydı, 25 yaşı tamam olacaqdı. Deputat Arzu Nağıyev şəhidin məzarı önündə Ordumuzun və onun belə cəsur əsgərlərinin göstərdiyi şücaətdən danışıb, Qarabağın azadlığı uğrunda göstərdikləri qəhrəmanlıqdan söz açıb. Deputat qeyd edib ki, dövlətimiz hər zaman şəhid ailələrinə və qazilərə diqqət ayırır, onları bir an yaddan çıxarmır, hər bir problemlərinin həllinə dəstək olur.
Short URL: http://www.cumhuriyyet.net/?p=169217