Aslan Aslanov vəkili hədələdi: “Müdafiə etdiyinin yanına gedəcək”

Bu gün Şəmkirin keçmiş icra başçısı Aslan Aslanovun oğlunun qətlə
yetirilməsində təqsirləndirilərək ömürlük azadlıqdan məhrum edilmiş
Vüqar Əliyevin vəkili Adəm Məmmədov sensasiyalı açıqlama ilə çıxış edib.Vəkil özünün “facebook”dakı səhifəsində “Aslan Aslanovun
ANS telekanalına verdiyi “özünümüdafiə” xarakterli müsahibəsindən
sonra, bu gün etibarlı mənbələrdən belə bir məlumat aldıq ki, Aslan
Aslanov həbs olunub” yazıb.

Aslan Aslanov isə
“Qafqazinfo”ya açıqlamasında bu məlumatı dezinformasiya adlandırıb:
“Yayılan xəbərlər cəfəngiyatdır. Hazırda öz evimdəyəm. Bu xəbərləri
yayan vəkil özü də elə yaxın zamanlarda müdafiə etdiyi şəxsin yanına
gedəcək”.

Qeyd edək ki, Şəmkirin
keçmiş icra başçısı, kənd təsərrüfatı nazirinin sabiq müavini  Aslan
Aslanovun oğlunun qətl işi sön vaxtlar qətldə təqsirləndirilən Lamiyə
Quliyevanın həbsxanada nikahdankənar uşaq dünyaya gətirməsi ilə yenidən
gündəmə gəlib. Qeyd edək ki, 11 il əvvəl
çıxarılmış hökümlə Ruslan Aslanovu qətl yetirməkdə təqsirli bilinən
Lamiyə Quliyeva 10 il, onun keçmiş nişanlısı Vüqar Əliyevin isə ömürlük
azadlıqdan məhrum ediliblər.