İlham Əliyev Maya Sandu ilə telefonla danışıb – YENİLƏNİB

Moldova Respublikasının Prezidenti Maya Sandu Azərbaycan Respublikasının Prezidenti İlham Əliyevə telefonla zəng edib.

Modern.az xəbər verir ki, bu barədə Prezidentin Mətbuat Xidməti məlumat yayıb.

Telefon söhbəti zamanı regional məsələlər barədə fikir mübadiləsi aparılıb, həmçinin Azərbaycan ilə Moldova arasında iqtisadi-ticarət əlaqələrinin genişləndirilməsi və enerji sahəsində əməkdaşlıq məsələləri müzakirə olunub.

***

17:52

Azərbaycan Prezidenti İlham Əliyev ilə Moldova Prezidenti Maya Sandu arasında telefon danışığı olub.

Modern.az xəbər verir ki, bu barədə Moldova Prezidenti Maya Sandu “Twitter” hesabında yazıb.

“Bu gün Azərbaycan Prezidenti İlham Əliyevlə danışdım. Moldova və regiondakı cari hadisələri müzakirə etdik. Azərbaycanla enerji sektoru da daxil olmaqla ticarət-iqtisadi əməkdaşlığımızın intensivləşdirilməsi yollarını axtarmağa davam etmək barədə razılığa gəldik”, – deyə Prezident bildirib.

Short URL: http://www.cumhuriyyet.net/?p=171454