Rusiya XİN-dən Azərbaycanı hədələyən deputata ETİRAZ
Dövlət Dumasının İqtisadi Siyasət Komitəsinin sədr müavini Mixail Delyaqinin Azərbaycan və Qarabağla bağlı açıqlamaları Moskvanın mövqeyinə uyğun gəlmir, qəbuledilməzdir.
Modern.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
“Bir müddət əvvəl Delyaqin Rusiyanın telekanallarından birinin efirində Azərbaycanın neft sənayesinə nüvə zərbələri endirməyi təklif edib. Rusiya Prezidentinin mətbuat katibi Dmitri Peskov qeyd edib ki, bu bəyanat “heç bir halda Rusiya Federasiyasının rəsmi xəttinə uyğun gəlmir. Biz istənilən belə bəyanatları qəbuledilməz hesab edirik”, – Zaxarova məsələyə münasibətini açıqlayıb.
Qeyd edək ki, Rusiya Dövlət Dumasının deputatı Mixail Delyaqin Bakının neft mədənlərinə bomba zərbəsi endirməyi təklif edib. Mixail Delyaqin iddia edir ki, Azərbaycan Rusiya üçün böyük təhlükədir və Bakının cəzalandırılması lazımdır.
Short URL: http://www.cumhuriyyet.net/?p=172312
