Azərsu ASC-də qrup savaşı: Ramiz Hüseynov Köçəri Həsənov əleyhinə hansı işləri görür?
Qorxmaz Hüseynovun “Azərsu” Açıq Səhmdar Cəmiyyətinin sədri vəzifəsindən azad edilməsindən iki ildən artıq vaxt keçir . Ötən müddət ərzində “Azərsu” ASC-yə sədr təyin olunmayıb və Səhmdar Cəmiyyətə rəhbərlik müvəqqəti olaraq sədrin istismar üzrə müavini Köçərli Həsənova həvalə edilib. “Azərsu” ASC-yə sədr əvəzinin Köçərli Həsənova həvalə edilməsi çox gözlənilməz oldu. Çünki normal halda sədri əvəz etmək birinci müavini Teyyub Cabbarova həvalə edilməli idi. Ancaq hansısa “sehirli əl”in müdaxiləsindən sonra sədrlik müvəqqəti olaraq Köçəri Həsənova həvalə edildi.
“Azərsu ” ASC-nin sədri vəzifəsinə ötən iki il ərzində təyinatın gecikməsi həm cəmiyyətdə, həm də siyasi kluarlarda geniş müzakirə mövzusuna çevrilib. Cumhuriyyet.az-ın əldə etdiyi məlumata görə “Azərsu” ASC-nin sədrliyi uğrunda qurum daxilində ciddi savaş başlayıb. Mənbənin sözlərinə görə əsas mübarizə hazırda quruma rəhbərliyi həyata keçirən Köçəri Həsənovla uzun müddətdir sədrin müavini vəzifəsində çalışan Etibar Məmmədov arasında gedir. Bununla bağlı redaksiyamızı bilgiləndirən mənbənin sözlərinə görə, sədrlik savaşında xüsusilə aktivlik göstərən şəxs E.Məmmədovun yaxın adamı kimi tanınan Ramiz Hüseynovdur. Ramiz Hüseynov Azərsuda sədr dəyişikliyində iştirak təcrübəbəsinə malikdir. Belə ki, hələ Oqtay Əsədov quruma rəhbər təyin olunarkən bu şəxs əvvəlki sədr Rasim Quliyevlə Oqtay Əsədov arasında vasitəçilik edərək karyera yüksəlişi qazanıb. İndi isə Ramiz Hüseynov Etibar Məmmədovun sədrliyi üçün planlara rəhbərlik edir. Onun Ceyranbatan su kəmərləri istismarı istehsalat idarəsinin rəis müavinliyindən bu günədək olan fəaliyyəti və hazırda qurduğu oyunlar haqda növbəti yazımızda.
Short URL: http://www.cumhuriyyet.net/?p=180998