Paşinyan əsirlərin qaytarılmasına görə ABŞ-a təşəkkür etdi
04.10.2022 - 23:29
Ermənistanın baş naziri Nikol Paşinyan erməni əsirlərin İrəvana təhvil verilməsində göstərdiyi köməyə görə ABŞ-a təşəkkür edib.
Cumhuriyyet.az xəbər verir ki, Paşinyan bu barədə Tvitterdə paylaşım edib.
“Mən ABŞ-ın 17 hərbi əsirimizin geri qaytarılmasına kömək səylərini yüksək qiymətləndirirəm. Ümid edirəm ki, birgə səylərlə beynəlxalq tərəfdaşlarımızla birlikdə həm humanitar məsələlərin həllində, həm də regionda sülhün bərqərar olunmasında gələcək irəliləyişləri qeyd edəcəyik”, – baş nazir vurğulayıb.
Qeyd edək ki, Azərbaycan 13-14 sentyabr tarixlərində Ermənistanın son təxribatı zamanı saxlanılan 17 hərbçini qarşı tərəfə təhvil verib.
Short URL: http://www.cumhuriyyet.net/?p=183294
