Yeni Göycayı inkişaf edən Azərbaycana hədiyyə edək! – VİDEO
Müvafiq inkişaf proqramları çərçivəsində regionlarda genişmiqyaslı abadlıq, tikinti-quruculuq işləri davam etdirilir. Bu slrada Göyçay rayonuda aparılan abadlıq və quruculuq işləri ölkə miqyasında ön sıralarda yer alır. Ötən ilin oktyabr ayında Natiq Ağayevin rayon icra başçısı təyin edilməsindən sonra Göyçay rayonunda intensiv xarakter alan quruculuq tədbirləri təbii ki, ölkə rəhbərliyinin diqqət və qayğısının nəticəsidir. son vaxtlar rayonumuzda görülən işlər çərçivəsində Göyçay Şəhər Təsərrüfat Birliyi və onun nəzdində olan Mənzil Istismar Sahəsini müvafiq qaydada rayonun mərkəzi küçələrindən başlayaraq, şəhərin abadlığı və təmizliyi istiqamətində gördüyü işləri xüsusi qeyd etmək lazımdır. Bununla yanaşı şəhərin müxtəlif idarə və müəssisə işçilərinin iştirakı ilə qeyri-iş günlərində iməcilik təşkil olunmaqla, demək olar ki, rayonun bütün ərazisində təmizlik və abadlıq baxımından ciddi tədbirlər görülüb. Bu tədbirlər yerli sakinlər tərəfindən təqdirə layiq hesab olunur. Görülən işləri dəyərləndirən sakinlərin rayonun təmiz saxlanılmağı üçün aksiyalarda, iməciliklərdə iştirak etməsi bunun təsdiqi sayılmalıdır.
Hal-hazırda rayon mərkəzindş binaların fasad örtükləri dəyişdirilir, ağaclar əhənglənir, yeni ağaclar əkilir. Mövcud oturacaqlar, tullantı qabları rənglənir, köynə yer döşəmələri yenisi ilə əvəzlənir, gediş-gəlişin təmin olunması üçün yol kənarlarına səkilər salınır və s. Bununla da ümid edirik ki, arzu olunan “Yeni Göyçay” qarşıya qoyulmuş məqsədlərə çox tez bir zamanda çatacaqdır. Yeni Göycayı inkişaf edən Azərbaycana hədiyyə edək!
Fatimə Mövsüm Göyçay Tv
Short URL: http://www.cumhuriyyet.net/?p=189447