Göydən soxulcan yağdı
21.04.2015 - 00:38
Norveçin cənubunda elm insanlarını təəccübləndirən bir hadisə baş verib. Xizəklə sürüşən adam qarın üstündə çoxlu soxulcana rast gəlib. Biologiya müəllimi olan Karstein Erstad, gördüyü soxulcanların qarın altından çıxmadığını, göydən düşdüyünü deyib: “Qarın üzərində minlərlə soxulcan gördüm. Onları tapanda ölmüş kimi idilər, amma əlimə alanda canlı olduğunu fərq etdim.”
Analitik.az xəbər verir ki, Norveçdə soxulcan yağışı ilk dəfə deyil baş verir. Daha əvvəl də ölkənin cənubundakı Mol və Bergendə oxşar hadisələr olub. 1920-ci ildən indiyədək yaşanan soxulcan yağışları haqqında açıqlama verən elm adamları ehtimal edir ki, başqa bir bölgədəki şiddətli küləyin əsməsi soxulcanları uçuraraq başqa bölgəyə gətirə bilər.
Short URL: http://www.cumhuriyyet.net/?p=23036
