Siyasi Fəalların həbsi davam edir

Pərviz Şahin oğlu Mustafayev 2004-cü ildən Müsavat Partiyasının üzvüdür. O partiyanın bütün tədbirlərində, keçirilən etiraz aksiyalarında fəal iştirak edir. Gənc fəalın aktif müxalifətçi fəaliyyəti dəyərləndirilmiş və P.Mustafayev 2010-cu ildən Müsavat Partiyasının Oğuz rayon təşkilatının gənclərlə iş üzrə sədr müavini seçilmişdir.

P.Mustafayev 2013-cü iildə keçirilən prezident seçkilərində Demokratik Qüvvələrin Milli Şurasının Vahid Namizədi Cəmil Həsənlinin seçki kampaniyasında yaxından iştirak edib, seçki günü isə Oğuz rayonu 31 saylı seçki məntəqəsində müşahidəçi qismində iştirak edərək qanun pozuntularının qarşısının alınmasında fəallıq göstərmişdir. Məhz bu səbəbdən bir neçə gün sonra Bakı Bakı şəhər Səbael rayon məhkəməsi P.Mustafayevi ictimai qaydanı kobud surətdə pozaraq xuliqanlıq etməsi, vəzifəli şəxsləri təhqir etməsi, polis işçilərinə qarşı müqavimət göstərməsi ilə şərləyərək 3 ay müddətinə azadlıqdan məhrum edilməsi haqqında qərar verilmişdir. Həmkarları bu haqsızlıqlara qarşı etirazını bildirur.

Short URL: http://www.cumhuriyyet.net/?p=28356