Nərimanov İcra Hakimiyyəti jurnalistləri təbrik etdi
22 iyul – Milli Mətbuat Günü və Azərbaycan milli mətbuatının 140 illik yubileyi münasibətilə Nərimanov Rayon İcra Hakimiyyətinin təşkilatçılığı ilə tədbir keçirilib.
İH-dən cumhuriyyet.az-a daxil olan məlumata görə tədbiri giriş sözü ilə açan Nərimanov Rayon İcra Hakimiyyətinin başçısının birinci müavini Şahmar İbadov jurnalistləri bayram münasibətilə təbrik edib, 140 illik yubileyini qeyd edən Azərbaycan mətbuatının keçdiyi uzun və şərəfli yoldan danışıb. Natiq, həmçinin ölkəmizdə söz, fikir və məlumat azadlığının yüksək səviyyədə təmin edildiyini, kütləvi informasiya vasitələrinə dövlətimiz tərəfindən mütəmadi olaraq maddi və mənəvi dəstək verildiyini qeyd edib. Daha sonra Milli Məclisin deputatı Adil Əliyev çıxış edərək Azərbaycan milli mətbuatının tarixinin zəngin və keşməkeşli olduğunu bildirib, müasir mətbuatımızın bu gün uğurla inkişaf etdiyini və milli-mənəvi dəyərlərimizin, adət-ənənələrimizin qorunub saxlanması istiqamətində mühüm rol oynadığını vurğulayıb. Sonda bayram münasibətilə bir qrup jurnalistə milli mətbuatın inkişafındakı xidmətlərinə, respublikamızın, o cümlədən də Nərimanov rayonunun ictimai-siyasi, sosial-iqtisadi və mədəni həyatındakı yeniliklərin ictimaiyyətə obyektiv və qərəzsiz şəkildə çatdırılmasında xidmətlərinə görə Rayon İcra Hakimiyyəti tərəfindən fəxri fərman və qiymətli hədiyyələr təqdim olunub.
“Qafqazinfo”
Short URL: http://www.cumhuriyyet.net/?p=28636