Müsavatdan daha bir istefa
“Çox böyük təəssüf hissi ilə Müsavat
partiyasının sıralarını tərk edərək AXCP-yə üzv oluram”
“Çox böyük təəssüf hissi ilə Müsavat
partiyasının sıralarını tərk edərək AXCP-yə üzv oluram”
Müsavatın Salyan rayon təşkilatının üzvü Cavanşir İbrahimli
partiyanın Milli Şuradan çıxması və başqa məsələləri əsas gətirərək
istefa verdiyini açıqlayıb. Bir nüsxəsini də saytımıza göndərən
Cavanşir İbrahimli məktubunda bunları yazıb:
“Hörmətli İsa bəy!
Mənim 58 yaşım var. Azərbaycan xalq Hərəkatının fəal
iştirakçılarından olmuşam. 2001-ci ildən Müsavat Partiyasının Salyan
rayon təşkilatının üzvü olmuşam. Partiyanın keçirdiyi bütün kütləvi
etiraz aksiyalarında və seçkilərdə aktiv iştirak etmişəm. Ana babam
Məmmədəli Şükürbəyli 1918-1920-ci illərdə Müsavatın Salyan qəzasının
katibi olub. Sonralar ailəvi repressiya olunaraq güllələnib.
Son vaxtlar Müsavatın apardığı siyasətə və xüsusilə partiyada əsas
söz sahibi olan “Yeni Müsavat” qəzetinin baş redaktoru Rauf Arifoğlunun
açıqlamalarına etiraz əlaməti olaraq çox böyük təəssüf hissi ilə Müsavat
partiyasının sıralarını tərk edərək AXCP-yə üzv olmaq niyyətimi bəyan
edirəm”.
Short URL: http://www.cumhuriyyet.net/?p=3312
