Azərbaycanda Milli Qəhrəmanın evi gülləbaran edildi

Ağcəbədi rayonunun Avşar kəndində dekabrın 28 müdhiş olay baş verib. Azərbaycanın Milli
Qəhrəmanı, mərhum Namiq Abdullayevin evinə 30-35 nəfər tərəfindən
silahlı hücum edilib. Silahlı hücum nəticəsində milli Qəhrəmanın əmisi
aldığı güllə yarasından bir neçə gün sonra Bakıda dünyasını dəyişib.
Kənd sakinlərinin dediklərinə görə hücumda 35 nəfərə qədər adamın
iştirak edilməsinə baxmayaraq yalnız 1 nəfər həbs edilib. Verilən
məlumata görə bu dəhşətli olayla bağlı ölkə ictimayətinə də məlumat
verilməyib. Hadisədən sonra baş vermiş faciənin ictimailəşməməsindən
hiddətlənən Milli Qəhrəmanın anası  baş prokurorun qəbulunda olub.
Hadisəni törədənlərin Ağcabədi rayonundan olan iş adamları olduğu
bildirilir. Kənd saknlərinin dediyinə görə, silahlı hücuma səbəb Milli
Qəhrəman Namiq Abdullayevin ailə üzvlərindən birinin nişanlı olduğu bir
qızın nışanını qaytarmaq istəməsi səbəbindən baş verib. “Oğlana deyiblər
ki, nişanlın başqası ilə mesajlaşır. Namiq Abdullayevin ailə
üzvlərindən olan bu gənc də hiddətlənərək nişanı qaytaracağını bildirib,
lakin sonradan öyrənib ki, ona yalan məlumat veriblər. Buna baxmayaraq
qızın qohumları onların evinı silahlı hücum ediblər.”