Türkiyədə terror gözlənilir
“Əl-Qaidə” sabah Türkiyədə partlayışlar törətməyə 20 nəfər göndərib
“Əl-Qaidə” sabah Türkiyədə partlayışlar törətməyə 20 nəfər göndərib
Türkiyənin xüsusi xidmət orqanları sabah
İsveçrənin Montre şəhərində keçiriləcək Suriya konfransını sabotaj etmək
üçün “əl-Qaidə”yə bağlı “İraq Şam İslam Dövləti” qruplaşmasının Ankara,
İstanbul və Hatayda eyni vaxtda terror partlayışları törətməyə
hazırlaşdığı barədə xəbərdarlıq yayıb.
Türkiyə KİV-lərinə istinadən yayılan
xəbərlərə görə, xüsusi xidmət orqanları partlayışları törətmək üçün
qruplaşmanın 20 nəfərlik qrup göndərdiyini müəyyən edib.
“İraq Şam İslam Dövləti” qruplaşmasına mənsub 20 şəxsin iri
otellərdə, xüsusən Türkiyəyə sığınmış suriyalı müxaliflərin
toplantılarını keçirdikləri yerlərdə partlayışlar törətməyə hazırlaşdığı
bildirilir. Milli İstihbarat Təşkilatının əldə etdiyi məlumatlara görə,
qrupa Türkiyədə öldürməli olduqları bəzi şəxslərin də adları verilib.
Xəbərlərə görə, terror aktlarının yanvarın 22-24-ü arası
törədiləcəyinə dair hazırlıqlar aparılır. Türkiyənin xüsusi xidmət və
polis qüvvələrinə terror aktlarının qarşısını almaq üçün həyəcan siqnalı
verilib.
Short URL: http://www.cumhuriyyet.net/?p=3509
