Pərviz Həşimlinin MTN-də səhhəti pisləşib
Jurnalist ürəyindən və gözündən müalicə alır
Jurnalist ürəyindən və gözündən müalicə alırDünən Bakı Apelyasiya Məhkəməsində jurnalist və hüquq müdafiəçisi
Pərviz Həşimlinin ev dustaqlığına buraxılmasına dair şikayətə baxılıb.
Məhkəmə iddianı təmin etməyib. Jurnalistin vəkili Elçin Sadıqov bildirib ki, Pərviz Həşimlinin MTN-də səhhəti pisləşib. O,
gözündən və ürəyindən müalicə alır.
Vəkil əlavə edib ki, jurnalistin
işi üzrə heç bir istintaq hərəkəti aparılmır. Müdafiəçi həmçinin Pərviz
Həşimlinin qanunsuz həbsi, onun barəsində seçilmiş həbs-qətimkan
tədbirinin girov və ya ev dustaqlığı ilə əvəz olunmaması kimi
məsələlərlə bağlı Avropa Məhkəməsinə şikayət hazırladığını bildirib.
Xatırladaq
ki, qaçaqmalçılıq və qanunsuz silah saxlamaqda ittiham olunan Pərviz
Həşimli “Bizim Yol” qəzetinin parlament müxbiri, “moderator.az” saytının
təsisçisi olub. Beynəlxalq təşkilatlar isə bu ittihamların saxta
olduğunu ehtimal edərək, Pərviz Həşimlini “vicdan məhbusu” elan edib.
Short URL: http://www.cumhuriyyet.net/?p=3629
