Bu saatlarda Bakıda ciddi qəza baş verib

“Musavat.com”un məlumatına görə, Heydər Əliyev prospektində, metronun “Nəriman Nərimanov” stansiyasına yaxın ərazidə sökülən bina uçub. Əslində bina həyətə doğru uçurulmalıymış. Ancaq yola doğru uçub. İlkin məlumatlara görə, yolda hərəkət edən avtomobillər uçqunun altında ​qalıb, ölənlərin olduğu deyilir. Yol bağlanıb.

Hadisə yerində olan müxbiri məlumat verir ki, hadisə yerinə təcili tibbi yardım maşınları və polislər gəlib. Əhaliyə hadisə yerinə yaxınlaşmağa icazə verilmir.  

Yol artıq təmizlənib. Hadisə yerində FHN-nin çoxsaylı xilasediciləri və polislər işləyir, jurnalistləri belə yaxınlaşmağa qoymurlar. Şəkildən gördüyünüz avromobilin içində adam olduğu və öldüyü bildirilir. Hələlik olayla bağlı heç bir açıqlama verilmir.

Uçqun altında 4 maşın qalıb, bir nəfər xəsarət alıb. Ölüm faktıyla bağlı deyilənlər təsdiqini tapmayıb.

Short URL: http://www.cumhuriyyet.net/?p=3640