Yazdıqlarımızla bağlı açıqlama
Şamaxı rayonunda məskunlaşmış Laçından olan məcburi köçkün Məhəbbət İsmayılov Ekologiya və Təbii Sərvətlər Nazirliyinin İsmayıllı meşə mühafizəsi və bərpası idarəsinin müdiri tərəfindən həmin meşə ərazisində tikdiyi istirahət mərkəzinin fəaliyyətinə maneə yaradıldığını bildirən və “Cumhuriyyət.az” saytında dərc olunan bəyanatını təkzib edib. Məhəbbət İsmayılov sayta müraciət edərək bildirib ki, emosional davranaraq İsmayıllı meşə müdirinin və Nazirliyin meşələrin inkişafı departamentinin direktorunun ünvanına gərəksiz ifadələr işlədib, həddən artıq emosionallıq göstərərək bəyanatında bəzi reallıqdan uzaq olan faktları səsləndirib. Bunun bir anlaşılmazlıq olduğunu qeyd edən M.İsmayılov bəyanatında dediyi fikirləri aşırı emosionallığa qapılaraq söylədiyini bildirirək səsləndirdiyi ittihamları geri götürdüyünü və ümumiyyətlə bəyanatının təkzib olunmasını “Cumhuriyyət.az” dan xahiş edib.
Short URL: http://www.cumhuriyyet.net/?p=38094