Ələsgər Mehdiyev Çernoqoriyada lüks kurort tikir
Azərbaycanın “Shinkar Holding” şirkəti Çernoqoriyanın şimalındakı Jablyak qəsəbəsində dəbdəbəli qış kurortu tikmək ideyasına maraq göstərir.
Virtualaz.org saytı balkanpro.ru portalına istinadən xəbər verir ki, bu barədə həmin şirkətin rəhbəri, Azərbaycan nümayəndə heyətinin tərkibində hazırda Çernoqoriyada səfərdə olan Ələsgər Mehdiyev məlumat verib.
Ə.Mehdiyevin sözlərinə görə, Jablyakda restoran və kafeləri olan beşulduzlu otel tikmək planlaşdırılır.
“Jablyaka sonuncu səfərim zamanı əmin oldum ki, bu şəhər yeni turizm mərkəzinin yaradılması üçün çox münasibdir. Biz Qəbələdə də oxşar kurort yaratmışıq. Həmin layihəyə 140 milyon dollar sərmayə qoymuşuq. Jablyakın üstünlüyü ondadır ki, burada tam infrastruktur var, xizək sürmək üçün uyğun relyef var. İqlim şərtləri də əlverişlidir. Bundan başqa, Savin-Kuk dağında süni qar örtüyü yaratmağa ehtiyac yoxdur” – deyə azərbaycanlı biznesmen bildirib.
Ə.Mehdiyev Adriatik dənizi sahillərində yerləşən Çernoqoriyanın çox gözəl ölkə olduğunu, Avropaya yaxınlığını da xüsusi vurğulayıb və bunu turizm baxımından vacib amil saydığını əlavə edib.
Short URL: http://www.cumhuriyyet.net/?p=38210